उखु किसानलाई २१ करोड रुपैयाँ भुक्तानी गर्न बाँकी रहेको सर्लाहीको गोडैता नगरपालिकाको बगदहमा सञ्चालित महालक्ष्मी सुगर मिलमा किसानले तालाबन्दी गरेका छन् । सुगर मिलबाट पीडित हजारौं किसान भेला भएर उद्योगमा ताला लगाएका थिए ।

बक्यौता नतिरी यस वर्ष मिल संचालन गर्न खोजेपछि किसानले उद्योगको प्रशासन शाखा र उखु तौल हुने ठाउँमा ताला लगाएका हुन् । उखु बेचेको भुक्तानी नपाएपछि किसानले सरकारको ध्यानार्षण गराउन काठमाडौं र उद्योगीलाई दवाव दिन मिलमा आन्दोलन गरिरहेका छन् ।