भलिबल नेपालको राष्ट्रिय खेल हो । यसले शरीरमा सकारात्मक ऊर्जा दिन्छ । तपाईलाई स्वस्थ्य रहन मद्दत गर्छ । जितको मनसायका साथ खेलिने भएकाले तपाईंको मस्तिष्कलाई नकारात्मक हुन दिँदैन ।
फिटनेस
भलिबल खेल्दा अभ्यास र व्यायाम हुने भएकाले फिटनेस कायम गर्न सजिलो हुन्छ । खेलले शारीरिक फिटनेसका साथै मानसिक रूपमा समेत तन्दुरुस्त राख्न मद्दत गर्दछ । भलिबल खेल्दा उफ्रिने र दौडनुपर्ने भएकाले क्यालोरीको मात्रा सजिलै घटाउन सकिन्छ । यसले गर्दा मोटोपनको समस्या हुँदैन । रक्तसञ्चार राम्रो हुन्छ ।
तनाव व्यवस्थापन
भलिबल खेल्दा तनाव व्यवस्थापन गर्न सकिन्छ । मानसिक रूपमा समेत आराम मिल्ने भएकाले खेलको समयमा आनन्दित महसुस हुन्छ । शरीरका सबै अंग सक्रिय रहने भएकाले ताजापन महसुस हुन्छ ।
बलियो मांसपेशी
नियमित भलिबल खेल्ने व्यक्तिको मांसपेशी बलियो हुन्छ । खेल खेल्दा वा अभ्यास गर्दा पर्याप्त व्यायाम हुने भएकाले स्वस्थ रहन सघाउँछ । दैनिक भलिबल खेल्ने मानिसले अन्य व्यायाम गर्नुपर्ने जरुरी हुँदैन । भलिबल खेल्दा स्वस्थ र फिट रहन सकिन्छ ।
सकारात्मक सोच
तपाईमा सकारात्मक सोच र उर्जा ल्याउँछ । जित्ने मानसिकताको विकास गराउँछ । जीवनमा आइपर्ने हरेक चुनौतीलाई सकारात्मक सोच र उर्जाका साथ सामना गर्न आत्मबल दिन्छ । अनुशासनमा रहेर नियमित अभ्यास गर्ने बानीको विकास गर्छ , आत्मविश्वास वृद्धी हुन्छ ।