मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १६ शुक्रबार
  • Friday, 29 March, 2024
नयाँ पत्रिका काठमाडाैं
२०७६ पौष १६ बुधबार १९:४५:००
Read Time : < 1 मिनेट
अर्थ

पेट्रोल र डिजलकाे मुल्य बृद्धि, हवाई इन्धन र ग्याँसको मुल्य यथावत

Read Time : < 1 मिनेट
नयाँ पत्रिका काठमाडाैं
२०७६ पौष १६ बुधबार १९:४५:००

पेट्रोल, डिजेल र मट्टीतेलमा प्रतिलिटर २/२ रुपैयाँ मूल्य बृद्धि भएको छ ।

नेपाल आयल निगमले इन्डियन आयल कर्पाेरेशनबाट १ जनवरी २०२० मा प्राप्त प्राप्त अन्तर्राष्ट्रिय मुल्य अनुसार मुल्य बृद्धि भएर आएकाले पेट्रोलिय पदार्थको मुल्यमा हेरफेर गरेको जनाएको हो । नयाँ मुल्य बुधवार राति १२ बजेदेखि लागू हुने निगमले जनाएको छ ।

हवाई इन्धन र खाना पकाउने एलपी ग्याँसको मुल्यमा भने कुनै पनि परिवर्तन नगरिएको निगमका प्रवक्ता वीरेन्द्र गोइतले जानकारी दिए । 

नयाँ मुल्य अनुसार डिपो र विक्री विन्दुदेखि १५ किलोमिटर क्षेत्रभित्र पेट्रोलको खुद्रा विक्री मूल्य काठमाडौं(थानकोट), सुर्खेत र दिपायलमा १ सय ११ रुपैयाँ प्रति लिटर कायम हुनेछ । त्यसैगरी पोखरा, दाङ्गमा १ सय १० रुपैयाँ ५० पैसा प्रति लिटर हुने निगमले जनाएको छ ।

त्यसैगरी अन्य तराई क्षेत्र (चारआली, विराटनगर, महेन्द्रनगर (धनुषा), विरगञ्ज, अमलेखगञ्ज, भलवारी, नेपालगञ्ज र धनगढी) मा १ सय ९ रुपैयाँ ५० पैसा प्रति लिटर कायम गरिएको छ । 

डिजेल र मट्टितेलको खुद्रा विक्री मूल्य काठमाडौं(थानकोट), सुर्खेत र दिपायलमा १ सय रुपैयाँ प्रति लिटर, पोखरा, दाङ्गमा ९९ सय रुपैयाँ ५० पैसा प्रति लिटर र अन्य तराई क्षेत्र (चारआली, विराटनगर, महेन्द्रनगर(धनुषा), विरगञ्ज, अमलेखगञ्ज, भलवारी, नेपालगञ्ज र धनगढी) मा ९८ रुपैयाँ ५० पैसा प्रति लिटर कायम गरिएको निगमले जनाएको छ ।