समाचार
नागार्जुनस्थित एक गोदाममा आगालागी
Read Time : < 1 मिनेट
२०७६ पौष ४ शुक्रबार १७:४९:००
काठमाडौंको नागार्जुन नगरपालिका ४ स्थित किटनासक औषधी गोदाममा शुक्रबार अपरान्ह आगलागी भएको छ ।
बारुणयन्त्र, सुरक्षाकर्मी र स्थानीयको पहलमा आगो लागेको एक घण्टापछि नियन्त्रणमा आएको स्वयम्भु प्रहरी बृत्तका डिएसपी लालध्वज सुवेदीले बताए ।
आगलागीबाट गोदामको तल्लो तला र कम्पाण्डमा रहेका सामान जलेर नष्ट भएको प्रहरीले जनाएको छ । सामान ढुवानी गर्ने चार वटा सवारी साधन र ५ वटा मोटरसाइकल आगोले जलेको सुवेदीले जानकारी दिए ।
आगलागीको कारण खुलेको छैन । आगलागीबाट कति क्षति भयो भन्ने पनि नखुलेको सुवेदीले बताए ।