प्रतिनिधिसभाको सभामुख चयन प्रक्रिया आगामी शुक्रबारबाट सुरु हुने भएको छ ।
शुक्रबार बसेको कार्यव्यवस्था परामर्श समितिको बैठकले संसदको अर्को बैठक ११ पुस दिउँसो १ बजे बस्ने र त्यसपछि सभामुख चयन प्रक्रिया अघि बढाउने तय गरेको छ ।
सभामुख चयन प्रक्रिया सुरू हुनु अघि उपसभामुख शिवमाया तुम्बाहाम्फेले राजीनामा दिने स्रोतले जनाएको छ ।
संसद सचिवालयकी कर्मचारी रोशनी शाहीमाथि बलत्कार प्रयासको आरोप लागेपछि गत १४ असोजमा तत्कालिन सभामुख कृष्णबहादुर महराले पदबाट राजीनामा दिएका थिए ।