जापानको यू–२३ टोलीसँग ए डिभिजन लिग विजेता मनाङ मर्स्याङ्दी क्लब ३–० ले पराजित भएको छ । एन्फा कम्प्लेक्समा आइतबार भएको खेलमा जापानी टोलीविरुद्ध मनाङले गतिलो प्रदर्शन गर्न सकेन ।
यसअघि जापानले नेपालको नीलो टोलीलाई शुक्रबार ४–० ले पराजित गरेको थियो । जापानको जितमा जिन सियोआले दुई गोल गरेका थिए । खेलको २८औँ मिनेटमा जिनले पाहुना टोलीलाई १–० को अग्रता दिलाए ।
मनाङको डिफेन्स सम्हालिन नपाउँदै उनले २–० का लागि गोल गरे । खेलको ८७औँ मिनेटमा मासाहिको सुगिताले थप गोल गर्दा जापानी टोली ३–० ले विजयी भयो ।