पोखरामा शुक्रबारदेखि आईएमई नेपाल साहित्य महोत्सव सुरु भएको छ ।
पोखराको लेकसाइडमा गण्डकी प्रदेशका मुख्यमन्त्री पृथ्वीसुब्बा गुरुङले महोत्सवको उद्घाटन गरेका हुन् । गुरुङले पोखरामा मोहोत्सव हुनु गण्डकी प्रदेशका लागि गौरवको विषय भएको बताए । साहित्यको उत्थान, विकास र समृद्धिका लागि आफु सदैव तत्पर रहने उनले प्रतिबद्धता जनाए ।
कार्यक्रममा आइएमई ग्रुपका अध्यक्ष चन्द्रप्रसाद ढकालले लेखक, पत्रकार, समीक्षक आदिको भव्य सहभागिता रहने महोत्सव प्रायोजन गर्न पाउँदा खुसी लागेको बताए ।
उद्घाटन कार्यक्रममा पूर्वअर्थमन्त्री एवम् नागरिक अगुवा देवेन्द्रराज पाण्डेले ‘लोकतन्त्रको विकास र सार्वजनिक दायित्व’ शीर्षकमा बाेलेका थिए ।