Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ असोज ७ बुधबार
  • Wednesday, 23 September, 2020
२०७६ मङ्सिर २२ आइतबार १७:५६:००
समाचार

संगिताले जितेकाे स्वर्णले आमालाई दिलायाे अपार खुसी  

२०७६ मङ्सिर २२ आइतबार १७:५६:००

१३ औँ सागमा कुस्तीतर्फ ५५ किलो तौल समूहमा स्वर्ण जित्दै इतिहास बनाएकी १९ वर्षीय संगिता धामीकाे उपलब्धि ढुंगा फोढेर पिपल उम्रेजस्तै अभावबीचकाे सफलता हाे । कञ्चनपुरकी संगिताका वुबा सरकारी जागिरमा कार्यरत थिए । वुबा नन्दसिंह धामीले दोस्रो विवाह नगर्दासम्म उनको दैनिकी ठिकठाक अगाडि बढ्दै थियो । जब उनको बुवाले दोस्रो विवाह गरे, त्यसपछि सुरू भए उनका अभाव र दु:खका दिनहरू ।

बुवाले दोस्रो विवाह गरी आमासहित चार दिदीबहिनीहरूलाई घरबाट निकालिदिए । आमाले भाइ (छोरा) पाउन नसकेको भन्दै बुवाले निकालिदिएपछि बेघरबार भएकी संगिता साइली छोरी हुन् ।

संगिताकी आमा धनादेवी चार छोरीसँगै घरबाट निकालिएपछि बेघर भइन । श्रीमान टाढा भए । छोरीहरूले बुबाकाे साथ पाएनन् । यसैबीच उनीहरूको ठूलोबुवा कल्यान सिंहले बस्नका लागि टहरो दिए । त्यही टहरोमा उनीहरूले गुजारा चलाउँदै आएका छन् । धनादेवीले सुखदु:ख गरी छोरीहरूलाई पढाउँदै आएकी छन् ।

‘साइली छाेरीले दिएकाे खुसीले सबै दु:ख भुलेकी छु, संगिताले देशका लागि स्वर्ण जितेपछि आमा धनादेवीले भनिन । छाेरीकाे जितसँगै उनकाे मुहारमा खुसीकाे झल्काे स्पष्ट देखिन्थ्याे । तर उनीहरूकाे दु:खकाे दिन गएकाे छैन । दिन उसैगरी चलिरहेछ- बिहान बेलुका दूध बेच्न बजार पुग्नु छ । दिनभरि मजदुरी गर्नु छ ।

श्रीमानले छाडे पनि धनादेवीले छाेरीहरूकाे लालन पालनमा आमाबुवाको भूमिका निर्वाह गरिरहिन । छाेरीहरूलाई संघर्षसँग जुध्न हाैसला दिइरहिन । बुवाकाे अभाव महसुस गर्न दिइनन् । धनादेवीकाे तपस्याले गर्दा नै अहिले संगिताले आमालाई अपार खुसी दिइन । देशका लागि स्वर्ण जितिन ।