विश्व
भारतमा बस दुर्घटनामा सातको मृत्यु, दुई दर्जन घाइते
Read Time : < 1 मिनेट
२०७६ मङ्सिर १४ शनिबार १७:०३:००
भारतमा शनिबार राति भएको सवारी दुर्घटनामा परी कम्तीमा सात जनाको मृत्यु भएको छ ।
राति साढे १२ बजे भएको दुर्घटनामा अन्य २४ भन्दा बढी घाइते भएको अधिकारीहरूले जनाएका छन् ।
धुले जिल्लाको भिन्चर क्षेत्रमा रहेको भोरी नदीको पुलबाट गाडी नदीमा खसेर दुर्घटनाग्रस्त भएको प्रहरीले जनाएको छ ।
दुर्घटनामा परी घाइते भएकाहरूको स्थानीय अस्पतालमा उपचार भइरहेको छ । तीमध्ये पाँच जनाको अवस्था गम्भीर रहेको चिकित्सकहरूले बताएका छन् ।
घटनाबारेमा थप अध्ययन अनुसन्धान सुरु गरिएको र विस्तृत विवरण आउन बाँकी रहेको प्रहरीले जनाएको छ ।