पुथाउत्तरगंगा गाउँपालिकाको कार्यालय अव तकसेरामा 

२०७५ पौष २७ शुक्रबार १७:२८:०० | रुकुम (पूर्व)  

रुकुम पूर्वको पुथाउत्तरगंगा गाउँपालिकाको कार्यालय तकसेरामा उद्घाटन भएको छ । शुक्रबार जिल्ला न्यायधिश दुर्गावहादुर भुषालले गाउँपालिकाको कार्यालय उद्घाटन गरेका हुन् ।

मतदानबाट गाउँसभाले गाउँपालिकाको कार्यालय कोलबाट तकसेरामा सार्ने निर्णय गरेको करिब ६ महिना पछि कार्यालय सारिएको हो । गाउँपालिकाको कार्यालय कहाँ राख्ने भन्ने विषयमा सहमति जुट्न नसकेपछि गत श्रावण १० गते गाउँसभामामा मतदान भएको थियो । 

गाउँसभाका ४७ जना सदस्यले तकसेराको पक्षमा मतदान गरेका थिए भने कोलको पक्षमा २२ जना सदस्यको मात्र मत परेको थियो । निर्णय भएको आधा वर्षसम्म पनि कोलबाट कार्यालय तकसेरा सारिएको थिएन । सबै प्रक्रिया पुरा गर्नुपर्ने भएकाले कार्यालय सार्न समय लागेको गाउँपालिकाले जनाएको छ ।

गाउँपालिका अध्यक्ष ओमप्रकास घर्तीका अनुसार गाउँसभाको निर्णय राजपत्रमा प्रकाशित हुन समय लागेकाले कार्यालय स्थापनामा ढिलाई भएको हो । 

गाउँसभाको निर्णय गाउँपालिकाले प्रदेश सभामा पठाएपछि प्रदेशले त्यसलाई अनुमोदन गरेर संघमा पठाएको थियो । संघले अनुमोदन गरेपछि दुई साता अगाडि मात्र साे निर्णय राजपत्रमा प्रकाशित भएको थियो । राजपत्रमा प्रकाशित भएपछि गाउँपालिकाको कार्यालय कोलबाट तकसेरा लगिएको हो ।   

 
 

प्रतिकृया दिनुहोस