माता त्रिपुरासुन्दरी मन्दिरले भेटीको रकमले स्थानीय अनाथ बालबालिकालाई झोला सहयोग गरेको छ ।
त्रिपुरासुन्दरी नगरपालिका क्षेत्रमा तीनवटा विद्यालयमा अध्ययनरत अनाथ, असहाय एवं विपन्न ५० बालबालिकालाई झोला प्रदान गरिएको हो । त्रिपुराकोटस्थित अनाथ संरक्षण केन्द्रका १५, लोकास्थित हिमज्योति आधारभूत विद्यालयका १० र भवानी आधारभूत विद्यालयका १० जना विद्यार्थीलाई झोला प्रदान गरिएको हो । त्यस्तै, १५ जना दलित र जनजाति बालबालिकालाई झोला प्रदान गरिएको मन्दिरका मुख्य पुजारी कविप्रसाद उपाध्यायले बताए ।