सिरियाबाट अमेरिकी सेना फिर्ता हुँदै

२०७५ पौष २७ शुक्रबार १६:०१:००

सिरियामा तैनाथ अमेरिकी सैनिकहरु फिर्ता हुनेक्रम सुरू भएकाे छ । अमेरिकी सैनिक प्रवक्ता कर्णेल सीन रायानले  विज्ञप्ति जारी गर्दै सिरियाबाट अमेरिकी सेना फिर्ता हुन थालेको जानकारी दिएका हुन् । विज्ञप्तिमा भनिएकाे छ,'सुरक्षाका कारण कुनै समय तालिका, स्थान वा सैनिकको यात्राका बारेमा केही बताउन सकिन्न ।'

Photo : U.S. ARMY

सिरियन अब्जरभेटरी फर ह्युमन राइट्सले उत्तरपूर्वी हासाकेह प्रान्तको राइलान हवाई अखडाबाट सैनिकको संख्या घटाउन थालेको जानकारी प्राप्त भएको जनाएको छ । अमेरिकी राष्ट्रपतिको डाेनाल्ड ट्रम्पकाे घोषणापश्चात अमेरिकी सैनिकको फिर्ता हुन लागेकाे हाे । सिरियामा करिब दुई हजार अमेरिकी सैनिक तैनाथ गरिएकाे छ ।