सिफारिसमुख्य समाचारसमाचारदृष्टिकोणफ्रन्ट पेजअर्थमल्टिमिडियाअन्तर्वार्तानयाँCityखेलकुदविश्वकोरोना अपडेटप्रवासब्लगकर्नर किकसम्पादकीयस्वास्थ्य र जीवनशैलीराजनीति१३औँ वार्षिकोत्सव विशेषांकसाहित्यब्लाे अपशिक्षापर्यटनसेयर बजारफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगप्रविधि
  • वि.सं २०७७ असार २४ बुधबार
  • Wednesday, 08 July, 2020
२०७६ कार्तिक २९ शुक्रबार १४:२३:००
प्रदेश

क्यान्सर पीडित बालकलाई ११ लाख भन्दा बढी सहयोग

२०७६ कार्तिक २९ शुक्रबार १४:२३:००

बोन क्यान्सरबाट पीडित बालक युमन गुरुङको उपचारका लागि आर्थिक सहयोग प्राप्त भएको छ । न्यूजल्याण्ड, बेलायत, पोर्चुगल लगायत विदेशमा बस्ने नेपाली र स्थानीय आफन्तजनको सयोगमा बोन क्यान्सर पीडित गुरुङको लागि ११ लाख ३८ हजार आठ सय ४१ रुपैयाँ संकलन भएको हो । 

संकलित रकम बिहीबार युमनको अभिभावकलाई हस्तान्तरण गरिएको छ । 

बेसीसहर नगरपालिका ५ नाल्मा घर भई हाल बेसीशहर ७ सातविसेमा बस्दै आएका १२ वर्षीय युमन गत साउनदेखि भरतपुर क्यान्सर अस्पतालमा उपचाररत छन् । युमनको उपचारमा धेरै खर्च लाग्ने भएपछि पीडित परिवारले सहयोगको अपिल गरेका थिए । उनी बेसीशहरस्थित भूपु सैनिक आवासीय माध्यमिक विद्यालयमा कक्षा ७ मा अध्ययनरत थिए । 

गुरुङलाई यस अघि उपचारको लागि विद्यालयले ५० हजार रुपैयाँ सहयोग गरिसकेको छ । 

संकलित रकम बोन क्यान्सर पीडितका बुबा भक्तबहादुर गुरुङलाई प्रमुख जिल्ला अधिकारी डा. डिजन भट्टराईले  हस्तान्तरण गरेका हुन् ।