अर्थ
नेपाल भ्रमण वर्ष २०२० को प्रचार गर्न ‘ट्राभल सो’
Read Time : < 1 मिनेट
२०७६ कार्तिक २९ शुक्रबार ०७:२८:००
नेपाल भ्रमण वर्ष २०२० को प्रचार–प्रसार गर्ने उद्देश्यले ‘भिजिट नेपाल इयर २०२०’को सचिवालयले निजी क्षेत्रसँगको सहकार्यमा पल्सर द नेक्स्ट डेस्टिनेसन’ नामक पाक्षिक टेलिभिजन ‘ट्राभल सो’ निर्माण गरी प्रसारणको तयारी गरेको छ । कार्यक्रम नेपाल टेलिभिजन तथा हिमालयन टेलिभिजनमार्फत प्रसारण हुने बताइएको छ ।
द होराइजन मल्टिमिडिया प्रालि तथा सचिवालयको सहकार्यमा निर्माण गरिएको कार्यक्रम नेपाल टेलिभिजन र हिमालयन टेलिभिजनबाट प्रसारण हुने बताइएको छ । नेपालका विभिन्न २६ वटा पर्यटकीय गन्तव्य समेटिने कार्यक्रम नेपाली, हिन्दी, अंग्रेजी र चिनियाँ भाषामा निर्माण गरी विभिन्न माध्यमबाट विदेशमा समेत प्रचार–प्रसार गरिनेछ ।