पूर्वमन्त्री एवं सांसद अफताव आलमविरुद्धको कर्तव्य ज्यानलगायतको मुद्दामा शुक्रबार पनि थुनछेक बहस सकिएन । बिहीबारदेखि उनीविरुद्धको मुद्दामा थुनछेक बहस जारी छ ।

सरकार र पीडितका कानुन व्यावसायीले शुक्रबार बहस गरेका थिए । आलमका कानुन व्यावसायीको बहस बाँकी छ । अर्को बहस आइतबार हुने भएको छ । आलमविरुद्धको मुद्दामा रौतहट जिल्ला अदालतका न्यायाधीश दीपक ढकालको इजलासमा भइरहेको छ ।

दुवै पक्षका कानुन व्यवसायीको बहस सकिएपछि आलमलाई थुनामा राख्ने, धरौटी माग्ने वा साधारण तारेखमा राखि मुद्दाको पूर्पक्ष गर्ने भन्ने अदालतले आदेश दिनेछ ।