मुख्य समाचारसमाचारदृष्टिकोणअर्थअन्तर्वार्तामल्टिमिडियानयाँCityखेलकुदविश्वकोरोना अपडेटप्रवासब्लगकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीसाहित्यराजनीतिशिक्षाब्लाे अपपर्यटनसेयर बजारफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगप्रविधिप्रदेशटर्निङ प्वाइन्ट्स-२०२०
  • वि.सं २०७७ जेठ २३ शुक्रबार
  • Friday, 05 June, 2020
२०७६ कार्तिक २२ शुक्रबार १२:४५:००
खेलकुद

बेलबारीमा अन्तराष्ट्रिय स्तरको कराते प्रतियोगिता हुने 

२०७६ कार्तिक २२ शुक्रबार १२:४५:००

मोरङको बेलबारीमा नोबेल अन्तर्राष्ट्रिय कराते प्रतियोगिता हुने भएको छ । ६ देखि ८ मंसिरसम्म संचालन हुने प्रतियोगितामा ८ देशका खेलाडीहरुको सहभागिता रहने आयोजक बेलबारी नगर सितोरियो कराते संघले शुक्रबार पत्रकार सम्मलेन गरी जनाएको छ । 

प्रतियोगिताको उपाधिका लागि नेपाल, भारत, श्रीलंका, बंगलादेश, भुटान, पाकिस्तान, मलेसिया र इराकका खेलाडीबीच ८५ स्वर्ण, ८५ रजत र १७० कास्य पदकको लागि प्रतिस्पर्धा हुनेछ । बिजेताले १ लाख, उप–बिजेताले ७५ हजार र तेस्रो हुनेले ५० हजार नगद पुरस्कार पाउने आयोजकले जनाएको छ । प्रतियोगितामा ६ सय खेलाडीको सहभागिता रहने नगर सितोरियो कराते संघका सदस्य सचिव एवं प्रमुख प्रशिक्षक कुन्ती गुरुङले जानकारी दिइन् ।

पर्यटन वर्ष २०२० लाई लक्षित गरेर वाह्य देशका पर्यटकलाई खेलको माध्यमबाट प्रचार प्रसार गर्ने उदेश्यले प्रतियोगिताको आयोजना गरीएको नगर सितोरियो कराते संघका अध्यक्ष सन्जय सुवेदीले बताए । मञ्च व्यवस्थापन, अतिथि सत्कार, आवास व्यवस्थापन, लेखा, प्राविधिक, प्रचारप्रशार र स्वयंसेवक व्यवस्थापन समिति निर्माण गरेर प्रतियोगिताको तयारी भइरहेको जनाइएको  छ ।