समाचार
पाँच दिनदेखि हराएका व्यक्ति मृत फेला
Read Time : < 1 मिनेट
२०७६ कार्तिक २२ शुक्रबार १०:४३:००
प्युठानमा एक व्यक्ति मृत अवस्थामा फेला परेका छन् । १६ कात्तिकदेखि परिवारको सम्पर्कमा नआएका स्वर्गद्वारी नगरपालिका–६ बेल्वास निवासी गुरुप्रसाद कालाथोकी पाँच दिनपछि बिहीबार मृत फेला परेका हुन् ।
७४ वर्षीय कालाथोकी बिहीबार माण्डवी गाउँपालिका–३ जोइटोलाको माडी खोलाको किनारमा शव फेला परेको जिल्ला प्रहरी कार्यालय प्युठानका सूचना अधिकारी प्रहरी निरीक्षक लोकेन्द्र जिसीले जानकारी दिए ।
कालाथोकीको शवलाई स्थानीयले देखेपछि प्रहरीलाई खबर गरेका थिए । सो शवलाई जिल्ला अस्पताल प्युठानमा पोस्टमार्टमपछि परिवारको जिम्मा लगाइएको प्रहरी निरीक्षक जिसीले बताए ।