महानायक तथा ’हिन्दी सिनेमाका सम्राट’ अमिताभ बच्चनले बलिउड फिल्म जगतमा पाँच दशक बिताएका छन् । बलिउड फिल्म उद्योगमा प्रवेश गरेको आज ५० वर्ष पुरा भएको छ ।
नोभेम्बर ७, १९६९ कै दिन अमिताभ अभिनित पहिलो फिल्म सात हिंदुस्तानी प्रदर्शन भएको थियो । त्यस बेलादेखि अमिताभ बच्चनले पछाडि फर्केर हेरेनन् । उनले सो फिल्ममा पारिश्रमिक बापत ५ हजार रुपैयाँ प्राप्त गरेका थिए ।
अमिताभ अभिनित चलचित्र तथा स्वयम् उनले विभिन्न विधामा अवार्ड समेत पाइसकेका छन् । उनी अभिनित चलिचित्र आनन्द, जंजिरि, नमक हराम, दिवार, कभिकभि, अदालतलगायत अधिकांश चलचित्र सुपरहिट भइसकेका छन् । उनले अभिनय गरेको पछिल्लो चलचित्र पिंक (२०१६) समेत सफल भएको थियो ।
बलिउड फिल्म उद्योगमा अमिताभलाई सम्राट तथा महानायकको रुपले चिन्ने गरिन्छ । यसबीचमा उनले सयौं फिल्ममा काम गरिसकेका छन् । त्यसका साथै विभिन्न रियालिटी शो, डकुमेन्ट्री, म्युजिक भिडियोमा काम गर्नुका साथै कोन बनेँगा करोडपति, देख भाइ देख, बिगबोस सिजन ३ लगायतका टेलिभिजन शो समेत सञ्चालन गरिसकेका छन् ।
बलिउड फिल्म उद्योगमा उनको योगदान निकै रहेको छ ।