समाचार
आलमको बयान रोकियो
Read Time : < 1 मिनेट
२०७६ कार्तिक १९ मंगलबार १४:३७:००
पूर्वमन्त्री तथा सांसद मोहम्मद अफताव आलमको बयान रोकिएको छ ।
जिल्ला अदालत गौरमा बयानको क्रममा आलम पक्षका वकिलले मिसिलको प्रतिलिपि माग गरेका थिए । सो मिसिलको प्रतिलिपि अदालतले उपलब्ध नगराएपछि बयान रोकिएको हो ।
प्रहरीले बयानका लागि बिहान ११ बजे आलमलाई जिल्ला अदालत गौर लगेको थियो ।
८ सय १८ पेजको मिसिल सरकारी वकिलको कार्यलयले जिल्ला अदालतमा बुझाइसकेको छ । सोही मिसिलको प्रतिलिपि आलम पक्षका कानुन व्यवसायीले माग गरेका हुन् ।