सिद्धार्थ बिजनेस ग्रुप अफ हस्पिटालिटीले नेपालको प्रमुख पर्यटकीय गन्तव्य चितवनको सौराहामा पनि रिसोर्ट सञ्चालन गरेको छ । ग्रुपले नेपाल भ्रमण वर्ष २०२० लाई मध्यनजर गरेर सौराहामा सञ्चालनमा रहेको सेन्टर पार्क रिसोर्टसँग व्यावसायिक साझेदारी गरी सेवा सुरु गरेको हो । करिब २ बिघा क्षेत्रफलमा रहेको रिसोर्टमा ४७ वटा सुविधासम्पन्न कोठा, स्विमिङ पुल, गार्डेन, सेमिनारका लागि २ हल रहेका छन् ।
रिसोर्टले पर्यटकका लागि जंगल सफारी, सांगीतिक कार्यक्रममार्फत सेवा प्रदान गर्ने गु्रपका कार्यकारी अधिकृत कृष्ण न्यौपानेले बताए । ग्रुपले नेपालगन्जमा चारतारे होटेलसहित चितवनको चुम्लिङटार, सुर्खेत र कर्णाली चिसापानीमा रिसोर्ट सञ्चालन गर्दै आएको छ । ग्रुपको महेन्द्रनगर, टीकापुर, नेपालगन्ज, बुटवल र काठमाडौंमा सुविधासम्पन्न होटेल, रेस्टुरेन्ट, क्याफे गरी २३ वटा आउटलेट सञ्चालनमा रहेको बताइएको छ ।