समाचार
आयल निगम र चिनी उद्योगीबाट अनावश्यक आरोप खेप्नुपर्यो : उद्योगमन्त्री यादव
Read Time : < 1 मिनेट
२०७५ पौष २६ बिहीबार १५:३४:००
उद्योग, वाणिज्य तथा आपूर्ति मन्त्री मातृकाप्रसाद यादवले नेपाल आयल निगम र चिनी उद्योगीहरुले धेरै सताएको बताएका छन् ।
चिनी उद्योगीहरुसँग आफूले कमिशन लिएको भन्दै हुँदै नभएको आरोप समेत खेप्नु परेको उनले गुनासो गरे । बिहीबार नेपाल आयाल निगमको ४८ औं वार्षिकोत्सव कार्यक्रममा उनले विगतमा सरकार नै नभएजस्तो जताततै प्वालैप्वाल परेको निगमलाई आफू मन्त्री भएपछि टालेको दाबी गरे ।
उनले चुहावट नियन्त्रण गर्न सफल भएको उल्लेख गर्दै निगमको समग्र सुधारका लागि नयाँ नेतृत्व नियुक्त गर्नु परेको स्पष्ट पारे । मन्त्री यादवले विगतमा मन्त्री, सचिवले नै निगममा लुट मच्याउने गरेको आरोप लगाए ।