Live Updateमुख्य समाचारसमाचारदृष्टिकोणअर्थमल्टिमिडियाअन्तर्वार्तानयाँCityखेलकुदविश्वकोरोना अपडेटप्रवासब्लगकर्नर किकसम्पादकीयस्वास्थ्य र जीवनशैलीराजनीति१३औँ वार्षिकोत्सव विशेषांकसाहित्यशिक्षाब्लाे अपपर्यटनफिचरसेयर बजारलाेकसेवाप्रेरक प्रसंग१२औँ वार्षिकोत्सव विशेषांकसप्तरंगप्रविधिटर्निङ प्वाइन्ट्स-२०२०
  • वि.सं २०७७ जेठ १५ बिहीबार
  • Thursday, 28 May, 2020
एजेन्सी
२०७५ पौष २६ बिहीबार १०:४४:००
खेलकुद

सलाह अफ्रिकन वर्ष खेलाडी

माने र आबुमियाङलाई पछि पार्दै सलाह लगातार दोस्रोपटक अफ्रिकन वर्ष खेलाडी

एजेन्सी
२०७५ पौष २६ बिहीबार १०:४४:००

इजिप्टका स्टार मोहमद सलाह लगातार दोस्रोपटक अफ्रिकन वर्ष खेलाडी घोषित भएका छन्  । सेनेगलमा मंगलबार आयोजित एक विशेष कार्यक्रमबीच सलाह चर्चित अन्य अफ्रिकन स्टारहरूलाई पछि पार्दै दोस्रोपटक उत्कृष्ट खेलाडी भएका हुन् । 

माने र आबुमियाङ दाबेदार
सलाहसँगै लिभरपुलकै साथी साडियो माने तथा आर्सनलका पेरिक एम्रिक आबुमियाङ अफ्रिकन वर्ष  खेलाडीको दाबेदारीमा  थिए । सलाहले उपाधि जित्दा प्रत्यासीहरूलाई १५ भोटले पछि पारेका थिए । गत सिजनमा लिभरपुललाई ११ वर्षपछि युरोपियन च्याम्पियन्स लिग फाइनलमा पुर्‍याउँदा सलाहले महत्वपूर्ण भूमिका खेलेका थिए ।

सानैमा देखेको सपना
अवार्ड पाएपछि सलाहले आफूले सानै उमेरमा अफ्रिकन वर्ष खेलाडी भएको सपना देखेको बताएका छन्  ‘मैले सानैदेखि अवार्ड जित्ने सपना देखेको थिएँ,’ ठट्टा गर्दै सलाहले भने, ‘म यो अवार्ड दुईपटक जित्न सफल भएँ, जसको खुसीको बयान गर्ने शब्द नै छैन ।’ युथ प्लेयर अफ द इयर अवार्डबाट मोरक्कोका आचफ हाकिमी घोषित भए ।