गैर आवासीय नेपाली संघ (एनआरएनए) को अध्यक्षमा कुमार पन्त विजयी भएका छन्। अध्यक्षका प्रत्यासी कुल आचार्यलाई हराउँदै पन्त अध्यक्षमा निर्वाचित भएका हुन् ।
काठमाडौंको हायात होटलमा बुधबारदेखि सुरु नवौ महाधिवेशनले नयाँ नेतृत्व चयनका लागि बिहीबार निर्वाचन गरेको थियो । गोरखामा जन्मिएका पन्त हाल जर्मनीमा व्यवसाय गर्छन् ।
त्यस्तै उपाध्यक्षमा बद्री केसी,अर्जुन कुमार श्रेष्ठ, सोनम लामा, मन केसी, रविना थापा निर्वाचित भएका छन् । डा. हेमराज शर्मा महासचिवमा निर्वाचित भएका छन् भने गौरी जोशी र आरके शर्मा सचिवमा निर्वाचित भएका छन् । कोषाध्यक्षमा महेश श्रेष्ठ र सह कोषाध्यक्षमा लोक दाहाल विजयी भएका छन् ।