- वि.सं २०८१ बैशाख ११ मंगलबार
संगीत महर्षि अम्बर गुरुङ र स्वरसम्राट् नारायणगोपालको सम्झनामा काठमाडौंस्थित नेपाल प्रज्ञा प्रतिष्ठानको प्रेक्षालयमा नेपाली, नर्वेजियन र अन्य विदेशी कलाकारले संयुक्त रूपमा २८ वटा धुन प्रस्तुत गरेका छन् ।
कार्यक्रमको सुरुमा नेपाली राष्ट्रिय गानको धुन र त्यसपछि नर्वेजियन धुन बजाइएको थियो । दुई घन्टाको कार्यक्रमअन्तर्गत नेपाल, नर्वे, बेलायतलगायत विभिन्न देशका वाद्यवाधकले चर्चित गीतका धुनहरू प्रस्तुत गरेका थिए ।
कार्यक्रम संयोजक गायक तथा संगीतकार राजकुमार श्रेष्ठले विदुर शर्मा गौतमको सहयोगमा २०१३ बाट यो कार्यक्रम आयोजना गर्दै आएको बताए । नर्वे सरकार र राजदूतावासले यसका लागि सहयोग गरेको उनले जानकारी दिए । अन्नपूर्ण चेम्बर अर्केस्ट्राको प्रस्तुति रहेको उक्त कार्यक्रमको आयोजना तलेजु धनकुमारी कोषले गरेको हो ।
