यौनकाण्डमा पक्राउ परेका मालपोत प्रमुख र महिलामाथी सार्वजनिक मुद्दा
यौनकाण्डमा पक्राउ परेका बेलौरी मालपोत कार्यालय कञ्चनपुरका प्रमुख भोज बहादुर ऐडी महिलामाथी सार्वजनिक मुद्दा दर्ता भएको छ । बेलौरी स्थित महिलाकै घरबाट पक्राउ परेका कार्यालय प्रमुख ऐडी र विवाहित ३४ वर्षीय महिला विरुद्ध कञ्चनपुर प्रहरीले सार्वजनिक मुद्दा दायर गरेको हो ।
कञ्चनपुरका प्रहरी प्रमुख दिनेश आचार्यले गलत कार्य गरेकाले कार्यालय प्रमुख ऐडी र महिला दुवैमाथी सार्वजनिक मुद्दा दायर गरेर कारबाही प्रक्रिया अघि बढेको बताए । बेलौरी प्रहरीले दुवैलाई जिल्ला प्रहरी कार्यालय पु-याएको छ ।
इलाका प्रहरी कार्यालय बेलौरीले गयराती दुवैजनालाई महिलाकै घरबाट शंकास्पद अवस्थामा पक्राउ गरेको थियो । इलाका प्रहरी कार्यालय बेलौरीका इन्चार्ज प्रहरी निरीक्षक रण बहादुर चन्दले महिलाका घर परिवारले दिएको उजुरीका आधारमा कार्यालय प्रमुख ऐडी र महिलालाई आपत्तिजनक अवस्थामा पक्राउ गरिएको बताए । बेलौरी प्रहरीले उनीहरुलाई एक रात हिरासतमा राखेर दुवैलाई थप कारबाहीका लागि जिल्ला कारागार चलान गरेको थियो ।
कहिले बेलौरी नगरपालिका प्रमुख त कहिले मालपोत कार्यालय बेलौरीका प्रमुखको जिम्मेवारी पाएर काम गर्दै आएका ऐडी दशैँ विदामा समेत घर गएका थिएनन् । डडेल्धुरा घए भएका उनी दशैंमा घर जान छाडेर ति विवाहित महिलाको घरमा भेटिएपछि घर परिवारले घटनाबारे प्रहरीलाई जानकारी गराएका थिए । बेलौरी प्रहरीका अनुसार ति दुवैको केही समय अघिदेखि अवैध यौनसम्बन्ध रहेको जनाएको छ ।