बुर्तिबाङको निर्माणाधीन लक्ष्मीकुण्ड घाट नजिकै ठूलो ढुंगामा अभिएर फोटो खिच्ने क्रममा आइतबार एक महिला नदीमा खसेर वेपत्ता भएकी छिन् । तमानखोला गाउँपालिका–४ घर भई काठमाडौं बस्दै आएकी ३२ वर्षीया देवी शिर्पाली नदीमा खसेर बेपत्ता भएको  प्रहरीले जनाएको छ ।

अर्जेन्टिनाका एक नागरिकलाई आफ्नो गाउँ घुमाउने र घरमा दसैं मनाउन जान थालेका उनीहरु बडिगाड खोलामा घुम्न गएका थिए । फोटो खिच्ने क्रममा ढुंगाबाट चिप्लिएर शिर्पाली खोलामा खसेको इलाका प्रहरी कार्यलय बुर्तिबाङले जनाएको छ । खोलाले बगाएको थाहा पाएलगत्तै प्रहरी र स्थानीयले खोजी कार्य जारी राखे पनि फेला पार्न नसकेको बागलुङका एसपी नवराज भट्टले बताए ।