- वि.सं २०८१ बैशाख १३ बिहीबार
गण्डकी प्रदेश सभाको वर्षे अर्थात् बजेट अधिवेशन मंगलबार सकिएको छ । ९ असोजको मन्त्रिपरिषद् बैठकको निर्णयअनुसार प्रदेश प्रमुख बाबुराम कुँवरले अधिवेशन अन्त्यको निर्णय गरेका हुन् ।
१५ जेठमा सुरु भएको बजेट अधिवेशनको ३४ दिनमा ४० वटा बैठक बसेको थियो । बैठकले यो अवधिमा ६ विधेयक पारित गरेको छ । विशेषगरी, वर्षे अधिवेशनलाई बजेट अधिवेशन र हिउँदे अधिवेशनलाई कानुन तथा नीतिनियम बनाउने अधिवेशनका रूपमा लिइन्छ । प्रदेश सभाको यो चौथो बैठक हो ।
यसअघि दुईवटा हिँउदे र एक वर्षे अधिवेशन सम्पन्न भएका छन् । चारवटा अधिवेशनले गरी ३० वटा विधेयक पारित गरेका छन् ।
