लमजुङमा मंगलबार विहान भूकम्प गएको छ । बिहान ९ बजेर ५३ मिनेटको समयमा ४ दशमलब ५ म्याग्निच्यूडको भूकम्प गएको हो । लमजुङको दोर्दी गाउँपालिका नौथरमा केन्द्रविन्दु भएर भूकम्प गएको राष्ट्रिय भूकम्प मापन केन्द्रले जनाएको छ ।

भूकम्पबाट जनजीवनमा कुनै प्रभाव नपरेको प्रमुख जिल्ला अधिकारी डा. डिजन भट्टराईले बताए । जिल्लाको उत्तरको बाहुनडाँडादेखी दक्षिणको सुन्दरबजार क्षेत्रमा छोटो तर कडा झड्का  महसुस भएको सुन्दरबजारका सन्तोष पौडेलले बताए ।