बालविकास केन्द्रका सहयोगी कार्यकर्ताले पारिश्रमिक वृद्धिको माग राख्दै मंगलबार बुलिङटार गाउँपालिकाका विद्यालय बन्द गराएका छन् ।
गाउँपालिकाले पारिश्रमिक वृद्धि सम्बन्धि माग सुनवाई नगरेकाले चेतावनी स्वरुप एक दिन विद्यालय बन्द गरेको सहयोगी कार्यकर्ता बसन्ती बिकलले बताइन् ।
‘विकट क्षेत्रमा जम्मा ६ हजार रुपैयाँमा काम गर्नुपरेको छ,’ उनले भनिन्, ‘मेहेनत अनुसारको पारिश्रमिक छैन, गाउँपालिकाले आश्वासन मात्र दिएकाले विद्यालय बन्द गरेका हौं ।’ उनले माग सुनवाई नभए चरणवद्ध आन्दोलन गर्ने चेतावनी दिइन् ।
गाउँपालिका अध्यक्ष शशीकिरण बस्ताकोटीले तलब बृद्धिका लागि श्रोत जुटाउन कार्यपालिका बैठकमा प्रस्ताव राख्ने बताए ।