- वि.सं २०८१ बैशाख ८ शनिबार
बिहान उठ्नेबित्तिकै तीन ग्लास मनतातो पानी पिउँछु । त्यसपछि पानीमा सातु घोलेर खान्छु । बाहिरको खानेकुरा एकदम कम खान्छु । सम्भव भएसम्म बाहिर गएका वेला हिँडेर नै फर्कन्छु । मलाई हिँड्न खुबै मन पर्छ । त्यसले शरीरलाई फिट राख्न निकै सहयोग गर्छ ।
कलेज भएको वेला ५ बजे र नभएका वेला साढे ९ बजेतिर उठ्छु । बेलुका त त्यस्तै हो, १०–११ नै बज्छ । मर्निङवाक जान्नँ । बरु कहिलेकाहीँ जिम जान्छु । तर, रेगुलरचाहिँ होइन । सकेसम्म घरमै वर्कआउट गर्छु । वेलावेलामा स्विमिङ पनि जान्छु ।
घरमा जे पाक्छ, त्यही खानेकुरा बढी रुचाउँछु । धूम्रपान गर्दिनँ । कहिलेकाहीँ बियर र वाइन एक ग्लास खान्छु । त्योभन्दा बढी म ह्यान्डल गर्न सक्दिनँ । बाहिरतिर निस्कँदा या काम गरेर थाकेका वेला साँधेको चाउचाउ र हट लेमन पिउँछु । खाने सवालमा आफूलाई कन्ट्रोल गरेकै कारण म फिट छु ।
