- वि.सं २०८१ बैशाख १२ बुधबार
शिक्षक सेवा आयोगले खोलेको लाइसेन्स परीक्षाको विज्ञापनविरूद्ध सर्वोच्च अदालतमा रिट दायर भएको छ । माध्यमिक विद्यालय शिक्षक युनियनका अध्यक्ष पुष्पप्रसाद न्यौपाने, केशव शर्मा, सुन्दर केसी, सुरेश हमालसहित ६ जना शिक्षकले सोमबार सर्वोच्चमा रिट निवेदन दायर गरेका हुन् ।
रिटमा माध्यमिक तहको विज्ञापन नं. ३५/०७६ तत्काल खारेज गरी कक्षा ११ र १२ मा पढाउने शिक्षकका लागि विषयगत लाइसेन्सको परीक्षा व्यवस्था गर्न माग गरिएको छ । विज्ञापन खारेज गरी विषयगत रूपमा परीक्षा गर्नुपर्ने उनीहरूको माग छ ।
