राजनीतिमा प्रवेश नगरेको भए म पत्रकारिता गरेरहेकी हुन्थेँ । ०५२ सालतिर राससमा सिन्धुली संवाददाता भएर काम गरेकी थिएँ । त्यसअघि ०४७ सालमा नेविसंघको एकाइ कमिटी कोषाध्यक्ष भएकी थिएँ । पछि राजधानी आएपछि ०५४ सालतिर नेपाल टेलिभिजनमा ‘परिवेश’ कार्यक्रम चलाएँ ।
राजनीतिमा नलागेको भए कुनै न्युज च्यानलमा काम गर्थेँ होला । ०५७ सालमा च्यानल नेपालमा स्वर परीक्षा उत्तीर्ण गरेकी थिएँ । केही दिन काम पनि गरेँ । त्यहीताका नेविसंघको चुनाव भयो, म केन्द्रीय सदस्य बनेँ ।
अहिले लाग्छ, म राजनीतिमा हुँदैनथेँ भने भिडियो जकी (भिजे) हुन्थेँ या कुनै सञ्चारमाध्यमको राम्रै तहमा रहेर काम गरिरहेकी हुन्थेँ होला । पत्रकार साथीले सामाजिक मुद्दामा पैरवी गर्ने कार्यक्रम चलाएको खुब मन पर्छ ।