खाना कुन कतिवेला खाने भन्ने यकिन हुँदैन । तर, हलुका खाना खाने गर्छु । मलाई घरमा पकाएको साधारण खाना नै मन पर्छ । बिहान र बेलुका दुवै समय म घरमै खाना खाने गर्छु । सामान्यतया, मलाई मन पर्ने खाना दाल–भात–तरकारी नै हो । पानी धेरै पिउने गर्छु । जसले शरीरमा ऊर्जा दिनुका साथै निरोगी बनाउन सहयोग गरेको छ ।
अत्यधिक पिरो र अमिलोे खानेकुरा सकेसम्म खान्नँ । झन् चिल्लो पदार्थ त खानामा कहिले पनि समावेश गर्दिनँ । त्यस्तै, तेलमा तारेका खानेकुरा, फास्टफुड पनि सकेसम्म कम खान्छु । त्यसैगरी, अत्यधिक क्यालोरीयुक्त अर्थात् मोटोपन बढाउन सक्ने खानेकुरा खानबाट सजग छु । माछा–मासु पनि एकदमै कम खान्छु । सकेसम्म शाकाहारी भोजन मन पर्छ । यसले पनि फिट रहन सहयोग गरेको छ ।