लमजुङको दोर्दी खोलामा बुधबार आएको बाढीले चारजनाको मृत्यु भएको छ । मृत्यु भएका मध्ये २ जनाको सनाखत भएकाे छ । सनाखत हुनेमा पर्साका आन्दाजी २८ वर्षीय  शिवधन चौधरी र डडेलधुराका आन्दाजी ३४ वर्षीय रमेश बुढा रहेको प्रहरीले जनाएको छ ।

 बेपत्ता भएका मध्ये एक जनाकाे लुकेर बसेको अवस्थामा सकुशल उद्धार गरिएको छ ।  ६ जना अझै बेपत्ता छन् ।  ७ जना घाईते भएका छन् । उद्धारकार्यमा नेपाली सेना, नेपाल प्रहरी, सशस्त्र प्रहरी र स्थानीय खटेका छन् ।  बेपत्ताको खोजीकार्य भईरेको प्रहरीले जनाएको छ ।