संगीत क्षेत्रमा विगत १५ वर्षदेखि संघर्ष गर्दै आइरहेको छु । तर, प्रसाद फिल्मको ‘लैलै कठैबरी’ गीत हिट होला भनेर मैले सोचेको थिइनँ ।
लामो संघर्षको जस मलाई यस गीतले दियो । निर्देशक दिनेश राउत दाइले प्रसाद फिल्ममा लोकगीत राख्न खोजेपछि मसँग कुराकानी सुरु भएको थियो । उहाँले त्यसक्रममा फिल्मको
कथा सुनाउनुभयो ।
अहिले लैलै कठैबरीले गीत चिनिँदा मलाई खुसी लाग्छ
अनि, मैले गणेश शाहीले लेखेको यो गीत कम्पोज गरेँ । यो गीतको १५ वटा मेलोडीसमेत बनाएँ । उहाँले बारम्बार मलाई करेक्सन गर्न भन्नुभयो । मैले राम्रो बनाउने कोसिस गरिरहेँ । करिब दुई महिना लगाएर मैले गीतको मेलोडी तयार गरेँ । अन्तिममा उहाँले गीत ओके गर्नुभयो । अनि केतन क्षेत्रीले गीत गाउनुभयो ।
जब, लन्च भयो, रातारात हिट भयो । धेरै ठाउँबाट फोन आयो । चर्चित निर्देशक निर्माताहरूले फिल्मका गीतमा संगीतकारको भूमिका दिनुभएको छ । मलाई अहिले लै लै कठैबरीले गीत चिनिँदा खुसी लाग्छ ।