- वि.सं २०८१ बैशाख १३ बिहीबार
रौतहटको दुर्गा भगवती गाउँपालिका ५ का बाढी पीडितले राहत पाएका छैनन् । बाढीले घर भत्काएपछि बागमतीको ड्याममाथि त्रिपालमा बस्दै आएका पीडितले खानसमेत नपाएको गुनासो गरेका छन् ।
घर भत्केपछि त्रिपालमा बस्दै आएका स्थानीय ७० वर्षीय लक्ष्छु ठाकुरले राहत नपाउँदा राम्रोसँग खानसमेत नपाएको गुनासो गरे ।
बाढीको चपेटामा परेर घर गुमाएका पीडितको बिजोग छ । बाढीको पानी विस्तारै सुक्दै गए पनि स्थानीयको आँसु भने रोकिएको छैन् ।
गाउँपालिकाले बाढी पीडितलाई त्रिपाल मात्र बाँडेको छ । गाउँपालिका प्रमुख अरुण साहले बाढीले हरेक स्थानमा क्षति पुर्याएकाले एक ठाउँमा मात्र ध्यान दिन नसकिएको बताए ।
