एभरेष्ट इन्स्योरेन्स कम्पनी र नर्भिक इन्टरनेसनल हस्पिटलबीच नगदरहित स्वास्थ्य सेवासम्बन्धी सम्झौता भएको छ । नर्भिकका कार्यकारी निर्देशक राजेन्द्रबहादुर सिंह र एभरेष्ट इन्स्योरेन्सका प्रमुख कार्यकारी अधिकृत कमल गौतमले सोसम्बन्धी सहमतिपत्रमा हस्ताक्षर गरेका हुन् ।
सम्झौतासँगै एभरेष्ट इन्स्योरेन्सबाट ‘एभरेष्ट हेल्थ केयर’ स्वास्थ्य बिमालेख लिएका ग्राहकले नर्भिक इन्टरनेसनल हस्पिटलमा भर्ना भई उपचार गराउँदा नगदरहित उपचार सेवा पाउनेछन् ।