अभिनेत्री शिल्पा पोखरेलले आफ्नो प्रदर्शोन्मुख फिल्म भिलेनका कलाकार तथा सञ्चारकर्मीलाई ढाका टोपी पहिर्याइदिएर टोपी दिवस मनाएकी छिन् । उनले मंगलबार राजधानीमा आयोजित फिल्मको प्रेसमिट कार्यक्रममा उपस्थित सबैलाई टोपी लगादिइनन् मात्र, आफूले पनि टोपी लगाइन् ।
पुस २७ गते प्रदर्शन हुने भिलेनमा शिल्पा मुख्य भूमिकामा छिन् । फिल्म प्रदर्शनको मिति नजिकिँदै जाँदा निर्माण पक्षले प्रचारप्रसारलाई तीव्रता दिएको छ । फिल्ममा शिल्पाका साथमा निखिल उप्रेती, निशा अधिकारी, कपिल खत्रीलगायत कलाकारले अभिनय गरेका छन् । देवेन्द्र पाण्डेले निर्देशन गरेको फिल्मको निर्मातामा सुरज खड्का र दीपक श्रेष्ठ छन् ।