निर्धारित ५० र सुपर ओभरमा समेत बराबरी भएपछि धेरै ‘बाउन्ड्री’ प्रहार गरेका आधारमा विश्वकप क्रिकेट २०१९ को आइतबार राति सम्पन्न न्युजिल्याण्डविरुद्धको फाइनल खेलमा इङल्याण्ड विजयी बन्यो । तर अन्तर्राष्ट्रिय क्रिकेट काउन्सिल (आइसीसी) को नियम र खेलका दौरान अम्पाएरले इङल्याण्डलाई एक रन बढी दिएको विषय भने अहिले पनि विवाद र चर्चामा छ ।
यस्तोमा न्युजिल्याण्डका प्रमुख प्रशिक्षक गेरी स्टिडले विश्वकपको उपाधी फाइनल खेलेका दुवै देशलाई साझा रुपमा बाँड्ने सम्बन्धमा पुनर्विचार गर्न आइसीसीसमक्ष आाग्रह गरेका छन् ।
‘सात हप्ता लामो खेल खेलिसकेपछि सायद फाइनल खेलको एक दिनलाई अलग राखेर हेर्न मिल्दैन । थुप्रै कुराहरु पुनर्विचार गर्नुपर्ने देखिएको छ । उपाधी साझा रुपमा बाँड्नु उचित हुन्छ,’ इएसपीएन क्रिकइन्फोसँगको कुराकानीमा स्टिडले भनेका छन् ।