उपल्लो डोल्पाको दुई स्थानमा जि.एस.एम मोबाइल टावर निर्माण हुने भएको छ । शे–फोक्सुन्डो गाँउपालिका अन्र्तगत वडा नं ३ को साल्दाङ्ग र ८ को रिग्मो गाँउमा मोबाइल टावर बन्ने भएको हो ।
मोबाइल टावर निर्माणसँगै त्तरी सिमाक्षेत्रमाका चार हजार स्थानीय लाभान्वित हुनेछन् । सम्पुर्ण वडालाई मोबाइल सेवा दिने उदेश्यले टावर निर्माण गर्न लागिएपनि अग्ला डाँडाकाँडाका कारण भिजेर र पुग्मो गाँउका स्थानीयले सेवा उपयोगर्न नपाउने गाँउपालिकाले जनाएको छ ।
'वर्षौदेखि सञ्चार सुबिधाबाट बञ्चित थियौँ, करिब एक वर्षको लगातार संघर्षपछि गाँउपालिकाका दुई ठाँउमा मोबाइल टावरकालागि उपकरण ढुवानीगर्न सफल भयौँ' गाँउपालिकाका अध्यक्ष टसी टुण्डुप गुरुङ्गले भने ।
चिसोका कारण पुस र माघ महिनामा सिमेन्टद्वारा काम गर्न नसकिने भएकोले चैत्रसम्म सेवा सञ्चालनमा ल्याइने गाँउपालिकाले जनाएको छ ।
टावरका राख्नकालागि दुवै ठाँउमा भबन निर्माणको काम सम्पन्न भइसकेको छ ।