पाकिस्तानी प्रधानमन्त्री इमरान खानले आफ्नो र उच्च पदस्थ सरकारी अधिकारीको अनावश्यक खर्च कटौतीका लागि सुरुदेखि नै विभिन्न पहल गर्दै आएका छन् । पाकिस्तानको अर्थतन्त्र कमजोर रहेकाले अनावश्यक खर्च कटौती गर्ने उनको प्रयासको प्रशंसा पनि भइरहेको छ ।
यस्तोमा खान आगामी जुलाई २१ देखि ३ दिने भ्रमणका लागि संयुक्त राज्य अमेरिका जाँदै छन् । उनले त्यसक्रममा महँगो होटलमा बसेर खर्च बढाउनुभन्दा अमेरिकास्थित आफ्ना राजदूत असाद मजिद खानकै निवासमा बस्ने योजना बनाएको पाकिस्तानी सन्चार माध्यमहरुले जनाएका छन् ।