समाचार
बिजेश्वरीबाट आठ जुवाडे पक्राउ
Read Time : < 1 मिनेट
२०७५ पौष १७ मंगलबार १६:४३:००
प्रहरीले जुवातास खेलिरहेको अवस्थामा करिब पाँच लाख रुपैयाँसहित आठ जुवाडेलाई पक्राउ गरेको छ ।
महानगरीय प्रहरी बृत्त, स्वयम्भूबाट खटिएको प्रहरी टोलीले सोमबार साँझ काठमाडौंको बिजेश्वरीबाट उनीहरुलाई पक्राउ गरेको हो । पक्राउ पर्ने सिन्धुपाल्चोक भोटेकोशी–१ का २६ वर्षीय पासाङ लामासहित ८ जना रहेका छन् ।
उनीहरूको साथबाट चार लाख ५९ हजार रुपैयाँ, अमेरिकन डलर नौ सय, भारतीय रूपैयाँ चार सय र दुई बुक तास बरामद गरेको छ । घटना सम्वन्धमा थप अनुसन्धान भइरहेको प्रहरीले जनाएको छ ।