भारतीय सरकारले आफ्ना दुई गुप्तचर निकायमा नयाँ नेतृत्व चयन गरेको छ । भारतीय सरकारले बुधबार आन्तरिक मामिला हेर्ने इन्टेलिजेन्स ब्युरो र बाह्य मामिला हेर्ने रिसर्च एण्ड एनालिसिस विङ (रअ) प्रमुखमा नयाँ नियुक्ति गरेको हो । 

रअ प्रमुखका रुपमा सामन्त गोयल र इन्टेलिजेन्स ब्युरोमा अरविन्द कुमार नियुक्त भएका छन् । दुवै सन् १९८४ को ब्याचका आइपीएस अधिकारी हुन् । अरविन्दले राजीव जैन र सामन्तले अनिल दासमानाको उत्तराधिकारीको रुपमा काम गर्ने छन् ।