समाचार
२५ हजार घुससहित एक पक्राउ
Read Time : < 1 मिनेट
२०७६ असार १० मंगलबार २१:०१:००
जिल्ला शिक्षा विकास तथा समन्वय एकाइका प्रमुख धनबहादुर वली घुस लिएको अभियोगमा पक्राउ परेका छन् । मंगलबार कार्यकक्षमा नै सेवाग्राहीबाट घुस लिँदै गर्दा उनलाई अख्तियार दुरुपयोग अनुसन्धान आयोग सुर्खेतको टोलीले रङ्गेहात पक्राउ गरेको हो ।
शिक्षक सरुवाको विषयलाई लिएर एक शिक्षकसँग २५ हजार घुस लिँदै गर्दा रकमसहित उनलाई पक्राउ गरिएको अख्तियार दुरुपयोग अनुसन्धान आयोगका सूचना अधिकृत मेघनाथ सापकोटाले जानकारी दिए । प्रमुख वलीलाई सबै प्रक्रिया पूरा गरिसकेपछि विशेष अदालतमा मुद्दा दायर गरिने उनले जानकारी दिए ।