- वि.सं २०८१ बैशाख ७ शुक्रबार
सुक्खा पहिरो जाँदा चीनसँगको व्यापारिक नाका रसुवागढी जोड्ने सडक अवरुद्ध भएको छ । आइतबार राति पासाङल्हामु मार्गको धुन्चे–स्याफ्रु सडकखण्डको खोपाङ भिरमा सुख्खा पहिरो गएको हो । पहिरोका कारण सडक अवरुद्ध भएको रसुवाका प्रमुख जिल्ला अधिकारी कृष्ण पौडेलले बताए । ‘आज दिनभर सडक सुचारु गर्नका लागि काम भएको थियो, पहिरो हटाउन सकिएको छैन,’ प्रजिअ पौडेलले भने ।
सोमबार दिनभर सडक अवरुद्ध हुँदा सवारीसाधन बाटामै रोकिएका छन् । गत्लाङ, चिलिमे, स्याफ्रु र टिमुरेबाट काठमाडौंका लागि छुटेका बस र केरुङबाट सामग्री बोकेर आएका कन्टेनर बाटोमै रोकिएका छन् ।
