विश्वकप क्रिकेट २०१९ अन्तर्गत दक्षिण अफ्रिकासँग बुधबार भएको पहिलो खेलमा भारतीय ब्याट्सम्यान-विकेटकिपर महेन्द्रसिंह धोनीले लगाएको पञ्जामा भारतीय सेनाको लोगो थियो ।
भारतीय सेनाका मानार्थ लेफ्टिनेन्ट कर्णेलसमेत रहेका धोनीले राष्ट्र र सेनाप्रति सम्मान देखाएको भन्दै सामाजिक सन्जालमा उनको निकै प्रशंसा पनि भयो ।
तर अब भने भारतीय क्रिकेट टोलीका पूर्वकप्तान धोनीले भारतीय सेनाको लोगो भएको पन्जा लगाउन नपाउने भएका छन् । अन्तर्राष्ट्रिय क्रिकेट काउन्सिल (आइसीसी) ले भारतीय क्रिकेट कन्ट्रोल बोर्ड (बीसीसीआई) लाई भनेको छ कि, धोनीको पञ्जाबाट त्यो लोगो हटाऊ ।
आइसीसीका रणनीतिक सन्चारसम्बन्धी महाप्रबन्धक क्लेयर फुर्लोङले विश्व प्रतियोगितमा राजनीतिक, धार्मिक र जातीय सन्देश झल्किने कुनै पनि कुरा आइसीसीको उपकरण तथा पोशाक नियमनले निषेध गर्ने भन्दै लोगो हटाउन बीसीसीआईसमक्ष आग्रह गरेका हुन् ।