भद्रपुर–६ स्थित भद्रपुर एग्रो राइस मिलमा शनिबार आगलागी भएको छ । व्यवसायी सन्तोष र राजेश गुप्ताले भर्खरैबाट सञ्चालनमा ल्याएको राइस मिलमा आगलागी भएको हो ।
आगलागीबाट मेसिनरी सामान जलेर नष्ट हुँदा करिब दुई करोड रुपैयाँ भन्दा बढीको क्षति भएको वडा प्रहरी कार्यालय भद्रपुरका प्रहरी निरीक्षक यमकुमार श्रेष्ठले जानकारी दिए । उद्योग बन्द रहेकोले मानवीय क्षति नभएको प्रहरी निरीक्षक श्रेष्ठले बताए ।
विद्युत चुहावट भएर आगलागी भएको हुन सक्ने प्रहरीको भनाइ छ ।
भद्रपुर र बिर्तामोड नगरपालिकाको गरी तीनवटा दमकलले एक घण्टामा आगलागी नियन्त्रणमा लिएको थियो ।