- वि.सं २o८१ मङ्सिर २६ बुधबार
साढे सात वर्ष कैद सजाय माग गरी मेडिकल व्यवसायी दुर्गा प्रसाईविरुद्ध साइबर अपराध मुद्दा दायर भएको छ । प्रहरीको अनुसन्धान प्रतिवेदनका आधारमा जिल्ला सरकारी वकिल कार्यालय, काठमाडौंले जिल्ला अदालतमा बुधबार बिद्युतीय कारोबार ऐनअनुसार मुद्दा दायर गरेको हो ।
प्रधानमन्त्री केपी शर्मा ओलीको कम्बोडियामा लगानी छ भनेर झुट्टा विवरण सार्वजनिक गरेको आरोपमा प्रहरीले उनलाई पक्राउ गरी साइबर अपराधको अभियोग लगाएको हो । साइबर अपराधमा पाँच वर्ष कैद हुने प्रावधान छ । उनी दोस्रो पटक यस्तो अपराधमा पक्राउ परेको भन्दै कानूनअनुसार थप ५० प्रतिशत सजाय माग गरिएको सरकारी वकिल कार्यालयले जनाएको छ । प्रसाईको बिहीबार अदालतमा थुनछेक बहस हुनेछ ।
यो मुद्दामा थुनछेक आदेश भएपछि उनलाई आपराधिक लाभ मुद्दामा फेरि नियन्त्रणमा लिएर अनुसन्धान गर्ने प्रहरी तयारी छ । उनकै निर्देशनमा भारतीय आपराधिक समूहको नाममा व्यवसायीलाई धम्काएर पैसा मागेको अभियोगमा केन्द्रीय अनुसन्धान ब्यूरो(सिआइबी)ले छुट्टै अनुसन्धान गरिरहेको छ ।
