- वि.सं २o८१ मङ्सिर २६ बुधबार
मोटरसाइकल दुर्घटनामा कमेडियन हिक्मत महराको मृत्यु भएको छ।
कैलालीको गोदावरी नगरपालिका–४, गोदावरीस्थित सडकमा म.२ प ९११७ नम्बरको मोटरसाइकल अनियन्त्रित भई मंगलबार साँझ दुर्घटना हुँदा चालक कञ्चनपुर शुक्लाफाँटा नगरपालिका–११, कलुवापुर बस्ने ३० वर्षीय महराको मृत्यु भएको छ। दुर्घटनामा गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएको प्रहरीले जनाएको छ।
महरा रियालिटी सो ‘कमेडी च्याम्पियन’मा उत्कृष्ट ४ मा पुग्न सफल भएपछि चर्चामा आएका थिए।
