- वि.सं २o८१ मङ्सिर १६ आइतबार
यो साता कारोबारको पहिलो दिन नेपाल स्टक एक्सचेन्ज नेप्से परिसूचक घटेको छ । आज परिसूचक ९.९९ अंकले घटेर दुई हजार ७३८.०६ को विन्दुमा कायम भएको हो ।
आज ३१४ कम्पनीको एक करोड ६७ लाख ६७ हजार १६८ कित्ता सेयर ८२ हजार ६०२ पटक खरिद–बिक्री हुँदा रु. आठ अर्ब ८३ करोड २२ लाख २५ हजार ८९२ बराबरको कारोबार भएको छ ।
व्यापार समूह ९.०७, विकास बैंक समूह ४.५२ र होटेल तथा पर्यटन समूह ०.३० प्रतिशतले बढेका छन् भने अरू सबै समूहको उपसूचक घटेको छ । सबैभन्दा बढी वित्त समूह २.९६ प्रतिशतले घटेको छ ।
बैंकिङ १.४७, जलविद्युत् १.१४, लगानी १.१५, जीवन बिमा १.३५, उत्पादन तथा प्रशोधन ०.५७, लघुवित्त ०.९२, म्युचुअल फन्ड ०.२३, निर्जीवन बिमा ०.१ र अन्य समूह १. ३५ प्रतिशतले घटेको छ ।
पाँचवटा कम्पनीको सेयर मूल्यमा आज सकारात्मक सर्किट लागेको छ । विशाल बजार कम्पनी लिमिटेड, कर्पोरेट डेभलपमेन्ट बैंक लिमिटेड, सिन्धु विकास बैंक लिमिटेड, ग्रिन डेभलपमेन्ट बैंक लिमिटेड र सप्तकोशी डेभलपमेन्ट बैंक लिमिटेडको सेयर मूल्यमा सकारात्मक सर्किट लागेको हो । जानकी फाइनान्स कम्पनी लिमिटेडको सेयर मूल्यमा भने आज नकारात्मक सर्किट लागेको छ ।
कारोबार रकमका आधारमा आज सबैभन्दा बढी एक्सेल डेभलपमेन्ट बैंक लिमिटेडको रु. ३४ करोड ३१ लाख ४९ हजार ७१७ बराबरको कारोबार भएको छ । त्यस्तै, कारोबार भएको सेयर संख्याका आधारमा सबैभन्दा बढी ङादी ग्रुप पावर लिमिटेडको पाँच लाख आठ हजार ३४१ कित्ता सेयर किनबेच भएको छ ।
